Fantastična noć za boksere Slavije u Tirani! Dvije pobjede, dva istorijska uspjeha za ovaj kolektiv i naš grad. Aleksandar Ivanović i Nikolaj Radulović bili su perfektni u borbama i iz glavnog grada Albanije vraćaju se sa rezultatima za ponos.
Takmičar, ali i trener Slavije, Aleksandar Ivanović ušao je u ring za Internacionalnu UBF titulu u kruzer kategoriji. U suprotnom korneru stajao je Kolumbijac Francisko Cordero ,,El Volcan” sa impresivnim skorom od 47 pobjeda, od tog 36 nokauta. Ipak, naš bokser dolazi do pobjede i pojasa prekidom u drugoj rundi.
Ništa manje značajnu pobjedu ostvario je i Nikolaj Radulović. Iako je tek na početku bokserske karijere već je pokazao svoj talenat i želju za radom što se i isplatilo. On je sinoć savladao domaćeg boksera Armanda Karaju koji je do sada bio neporažen i zabilježio možda i najveću pobjedu na svom bokserskom putu. Veliki je ovo podsticaj za buduće borbe i vjerujemo još veće uspjehe.